“Səbail” Boluda son oyununu keçirib

2026/2027-ci il mövsümü üçün hazırlığını Türkiyənin Bolu bölgəsində davam etdirən “Səbail” PFK qonşu ölkədə son yoxlama oyununu keçirib. Elnur Abdullayevin rəhbərlik etdiyi komanda Şimali Kipr Türk Respublikası təmsilçisi “Mağusa” klubu ilə üz-üzə gəlib. Qarşılaşma 2:0 hesablı qələbəmizlə başa çatıb. Oyunda Aldo Josue Gomes Soares (Dinho) dubla imza atıb.

Bununla da “Səbail” PFK-nın Türkiyədəki təlim-məşq toplanışı başa çatıb.