5 futbolçumuz U-19 millisində

Noyabrın 13-dən 22-dək Lüksemburqda təşkil ediləcək Avropa çempionatının seçmə mərhələsində iştirak edəcək 19 yaşadək futbolçulardan ibarət Azərbaycan milli komandası Qəbələdə təlim-məşq toplanışına başlayıb. Hazırlıq mərhələsi noyabrın 12-dək davam edəcək. Təlim-məşq toplanışına "Səbail" PFK-dan 5 futbolçu - Adəm Topalov, Zaman Zamanlı, İftixar İbrahimov, Əkbər Eyubov və Sadiq Məmmədzadə dəvət edilib.

Qeyd edək ki, AÇ-nin seçmə mərhələsində iştirak edəcək yekun heyət toplanışdan sonra müəyyənləşəcək.