Yeni mövsümə hazırlıqlarını davam etdirən "Səbail" PFK heyətini daha bir futbolçu ilə gücləndirib. "Dənizçilər" Səlahət Ağayevin keçidini rəsmiləşdirib. Təcrübəli qapıçı ilə 1 illik müqavilə imzalanıb.
32 yaşlı qapıçı bunadək "İnter" (Bakı), MOİK, "Sumqayıt", "Neftçi", "Sabah", "Qəbələ" klublarının formasını geyinib. Qeyd edək ki, Səlahət milli komandamızda 21 oyunda çıxış edib, 8 oyunda qapısını toxunulmaz saxlayıb.