Komandamız 25-ci ev qələbəsini qazanıb

Misli Premyer Liqasının V turunun “Qarabağ”la oyunundakı 2:1 hesablı qələbə “Səbail” üçün yubileylə əlamətdar olub.

Komandamız ölkə çempionatında 25-ci ev qələbəsini qazanıb. Bu nəticə, Premyer Liqa çərçivəsində "ASCO Arena"da baş tutan 87-ci qarşılaşmada qeydə alınıb. “Səbail” digər matçlarda 18 heç-heçə edib və 44 dəfə uduzub.

"Səbail" PFK Premyer Liqada 2017/18 mövsümündə debüt edib. "Dənizçilər"in ilk ev qələbəsi 2017-ci il avqustun 19-da qeydə alınıb. “Neftçi” ilə ev görüşündə komandamız bir cavabsız qolla qələbə qazanıb.