"Səbail" "Difai" üzərində qələbə qazanıb

Bu gün I Liqada 2-ci turun oyunları baş tutub. “Səbail” PFK Ağsu səfərində “Difai”dən 2:1 hesabı ilə üstün olub. Komandamızın qollarını Zahir Mirzəzadə və Kamran Quliyev vurub. Qeyd edək ki, “Səbail” PFK növbəti turda doğma meydanda “Şahdağ Qusar”ı qəbul edəcək. Həmin qarşılaşma sentyabrın 24-ü, saat 18:00-da baş tutacaq.

I Liqa, 2-ci tur

“Difai” - “Səbail” 1:2

Qollar: Zahir Mirzəzadə, 73; Kamran Quliyev, 90+6.

Baş məşqçimiz Elvin Məmmədov “Difai”ilə oyundan sonra fikirlərini bölüşüb: “Çətin səfər oyunu oldu. Rəqibin qapanıb hücumlar etməyimizə imkan verməyəcəyini təxmin etmişdik. Şükürlər olsun ki qələbə qazanan tərəf biz olduq. Uşaqlara axırıncı dəqiqəyə qədər apardıqları mübarizə üçün təşəkkür edirəm. Yolumuz uzundur və bir sıra çatışmazlıqlarımız var. Üzərimizdə çalışıb onları aradan qaldıracağıq”.