"Səbail" PFK-nın hazırlıq planı bəlli olub

“Səbail” PFK-nın 2024/2025-ci illər mövsümü üçün yay hazırlıq planı bəlli olub. Şahin Diniyevin rəhbərliyi altında iyunun 26-da bir araya gələcək komandamız, iyulun 3-nə qədər məşqlərini Bakıda keçirəcək. “Dənizçilər” iyulun 5-də toplanışın ikinci mərhələsi üçün Türkiyəyə yola düşəcək. Ərzurumda baş tutacaq təlim-məşq toplanışında komandamız 3 yoxlama oyununa çıxacaq. “Səbail” iyulun 11-də 1-ci Liqa təmsilçisi “Ərzurumspor”la, 13-də isə Türkiyə Super Liqası üzvlərindən “Hatayspor”la qarışlaşacaq. Sonucu rəqib və oyunların başlama vaxtı ilə bağlı yaxın günlərdə məlumat veriləcək. Komandamızın Ərzurum toplanışı iyulun 18-dək davam edəcək.