Partnyorlar

Azərbaycan Xəzər Dəniz Gəmiçiliyi

“Azərbaycan Xəzər Dəniz Gəmiçiliyi” Qapalı Səhmdar Cəmiyyəti iqtisadiyyatda köklü struktur islahatlarının davam etdirilməsi, dəniz gəmiçiliyi sahəsində yerli və beynəlxalq daşımaların artırılması, ölkənin rəqabət qabiliyyətinin və tranzit potensialının gücləndirilməsi məqsədilə Azərbaycan Respublikası Prezidentinin “Azərbaycan Xəzər Dəniz Gəmiçiliyi” Qapalı Səhmdar Cəmiyyətinin yaradılması haqqında 22 oktyabr 2013-cü il tarixli 6 nömrəli və “Azərbaycan Xəzər Dəniz Gəmiçiliyi” Qapalı Səhmdar Cəmiyyətinin fəaliyyətinin təşkili haqqında 10 yanvar 2014-cü il tarixli 213 nömrəli Sərəncamlarına əsasən, respublikada mövcud olan iki böyük donanmanın – Azərbaycan Dövlət Xəzər Dəniz Gəmiçiliyi və Azərbaycan Respublikası Dövlət Neft Şirkətinin Xəzər Dəniz Neft Donanmasının birləşdirilərək yenidən təşkil olunması yolu ilə yaradılıb.

FitTogether

Fitogether, Cənubi Koreyada yerləşən FIFA tərəfindən təsdiqlənmiş EPTS (Elektron Performans İzləmə Sistemi)-dir. Elit futbol liqaları, komandalar və oyunçular üçün geyilə bilən EPTS həlli hazırlayır. “Fitogether” şirkətinin “OhCoach” sistemi FIFA “Keyfiyyət sertifikatı” proqramında dəqiqliyi və dözümlülüyü ilə yüksək qiymət alıb. Sistem həmçinin, “Beynalxalq oyun standartları sertifikatı”na (IMS) sahibdir. “OhCoach” sistemi oyunçuların hazırlığının izlənilməsi, performanslarının qiymətləndirilməsi və faktiki analizlərin dəyərləndirilməsini özündə birləşdirir. Fitogether, 2019-cu ildən 2021-ci ilə qədər Koreya Peşəkar Futbol Liqası (K Liqası) ilə K Liqa komandalarına və gənc komandalarına EPTS həlləri və futbol hazırlığı testləri verən üç illik rəsmi tərəfdaşlıq müqaviləsi imzalayıb, eyni zamanda geniş sahələrdə əməkdaşlıq edir. 23.08.2021-ci il tarixində "Səbail" PFK ilə "Fitogether" şirkəti arasında 1 illik tərəfdaşlıq müqaviləsi imzalanıb.

Vita 1000

1140 m2 ərazidə yerləşən “Mineral Sular” MMC-in tikintisinə 2012-ci ildə başlanılıb. Tikintisi 2014-cü ilin yay aylarında başa catdıqdan sonra zavodda Türkiyədən və İtalyadan gətirilən avadanlıqların quraşdırılması işlərinə başlanılıb. 2015-ci ilin Yanvar ayından müəssisəmiz tam olaraq fəaliyyətə başlayıb.Zavodumuzda tam yeni, müasir texnoloji tələblərə və standartlara cavab verən avadanlıqlar istismara verilib. “Vita 1000” nişanı altında 0,33; 0,5; 1; 1,5; 5; 10 və 19 lt qablarda təbii mineral süfrə, qablaşdırılmış içməli və qazlı sular istehsal olunur. Zavodumuzda tam standartlara uyğun müasir kimyəvi və bakterioloji laboratoriyalar fəaliyyət göstərir. Məhsullarımız ekoloji cəhətdən tam təmizdir. Xüsusi filtirlərdən keçən su öz təbii bulaq suyu dadını itirmir. "Mineral Sular" şirkəti 2017/18 mövsümündən etibarən, "Səbail" PFK-nın texniki sponsorudur!

Leyla Medical Center

Hazırki adıyla Leyla Medical Center 1999-cu ildə əsası ulu öndər Heydər Əliyev tərəfindən qoyulan Leyla Şıxlinskaya Klinikasıdır. Klinika fəaliyyətə başladığı ilk gündən təkcə Azərbaycanda deyil, Cənubi Qafqazda ilk Mamalıq və Ginekologiya üzrə ixtisaslaşdırılmış özəl tibb müəssisəsi kimi uğurla inkişaf etməkdədir. Ən müasir tibbi texnologiyalarla təchiz olunmuş Leyla Medical Center qabaqcıl dünya təcrübəsindən istifadə edərək, pasiyentlərinin məmnuniyyətini daha da artırmaq üçün dayanmadan, dinamik heyətlə 24 saat fasiləsiz peşəkar tibbi xidmət göstərməkdədir. Əhalinin sağlamlığının yaxşılaşdırılmasına, Səhiyyə sisteminin inkişafına dəstək olmaq prinsipinə sadiq qalaraq mərkəzdə davamlı yeni şöbələr yaradılır, daha da müasir avadanlıqların tətbiqinə başlanılır. Klinikanın vizyonu beynəlxalq standartlara cavab verən tibbi xidmətlər göstərməklə, ölkənin və regionun ən yaxşı tibb mərkəzlərindən birinə çevrilməkdir. 12 sentyabr 2020-ci il tarixində “Səbail” PFK və “Leyla Medical Center” arasında 2020/21 mövsümünün sonuna kimi tərəfdaşlıq müqaviləsi imzalanıb.

SabailFC © 2021. All Rights Reserved.