“Bütün komandalar kimi biz də…”

“Səbail” PFK-nın futbolçusu Rafael Məhərrəmli klubun rəsmi saytına açıqlama verib. Gənc oyunçu komandamızın Azərbaycan Kubokunda MOİK üzərində qələbə və 1/4 final mərhələsindəki rəqibimizlə bağlı fikirlərini bildirib:

 

“Azərbaycan Kubokunda ilk matçımızı keçirdik. Təbii ki, meydana qələbə üçün çıxmışdıq. Kubok oyunları hər zaman gərgin olur. Burada rəqibin divizyon və ya Premyer Liqa komandası olmasının fərqi olmur. MOİK-ə qarşı oyunumuz isə istədiyimiz kimi alındı. Qələbə qazanmağı bacardıq. Hazırda komandamızda əhvali-ruhiyyə yaxşıdır. 1/4 final mərhələsindəyik və rəqibimiz “Sabah”dır. Bu komanda haqqında xüsusi fikir bildirməyə, məncə, ehtiyac yoxdur. Çox güclü rəqibə qarşı oynayacağıq. Hazırda turnir cədvəlinin 2-ci pilləsində qərarlaşıblar. Lakin dediyim kimi, rəqibin kimliyindən aslı olmayaraq bizi çətin və bir o qədər də maraqlı oyun gözləyir. Bütün komandalar kimi biz də kuboku qazanmaq istəyirik. Bunun üçün də var gücümüzlə çalışacağıq. Mərhələ adlayıb, irəliləmək istəyirik. Meydanda əlimizdən gələnin ən yaxşısını etməyə çalışacağıq”.

Leave a comment

SabailFC © 2022. All Rights Reserved.